O‘zbekistonda 11-sentabr kuni qanday ob-havo bo‘lishi ma’lum qilindi

“O‘zgidromet” 11-sentabr, yakshanba kuni uchun ob-havo prognozini e’lon qildi.

Unga ko‘ra, Toshkent, Samarqand, Jizzax, Sirdaryo viloyatlarining ayrim joylarida ertalab biroz yomg‘ir yog‘ishi kutilmoqda. Farg‘ona vodiysi viloyatlarida ba’zi joylarda yomg‘ir yog‘ishi, momaqaldiroq bo‘lishi mumkin.

Respublika bo‘yicha shamol 15-18 metr/sekundgacha kuchayishi, ba’zi joylarda chang-to‘zonlar kuzatilishi mumkin. Surxondaryo viloyatida va Farg‘ona vodiysi viloyatlarida shamolning kuchayishi ba’zi joylarda 20-23 metr/sekundga yetishi mumkin. Havo harorati 23-28 darajani tashkil etadi.

Toshkentda ertalab biroz yomg‘ir yog‘ishi, momaqaldiroq bo‘lishi mumkin. Kunduzi yog‘ingarchilik kutilmaydi. Shamol 5-10 metr/sekund tezlikda esadi, 15-17 metr/sekundgacha kuchayishi mumkin. Havo harorati 23-25 daraja bo‘ladi.

Tog‘li hududlarda ba‘zi joylarda yomg‘ir yog‘adi, baland tog‘larda (2500 metrdan yuqori) qorga aylanishi mumkin. Shamol 7-12 metr/sekund tezlikda esadi, ba’zi joylarda 17-22 metr/sekundgacha kuchayishi mumkin. Havo harorati 18-23 daraja bo‘ladi.

Eslatib o‘tamiz, “O‘zgidromet” 9-sentabr kuni Volgabo‘yi hududlaridan salqin va biroz nam havo massalari kirib kelib, shanba va yakshanba kunlari respublikaning barcha hududlariga tarqalishini ma’lum qilgandi.