Ўзбекистонда 11 сентябрь куни қандай об-ҳаво бўлиши маълум қилинди

«Ўзгидромет» 11 сентябрь, якшанба куни учун об-ҳаво прогнозини эълон қилди.

Унга кўра, Тошкент, Самарқанд, Жиззах, Сирдарё вилоятларининг айрим жойларида эрталаб бироз ёмғир ёғиши кутилмоқда. Фарғона водийси вилоятларида баъзи жойларда ёмғир ёғиши, момақалдироқ бўлиши мумкин.

Республика бўйича шамол 15-18 метр/секундгача кучайиши, баъзи жойларда чанг-тўзонлар кузатилиши мумкин. Сурхондарё вилоятида ва Фарғона водийси вилоятларида шамолнинг кучайиши баъзи жойларда 20-23 метр/секундга етиши мумкин. Ҳаво ҳарорати 23-28 даражани ташкил этади.

Тошкентда эрталаб бироз ёмғир ёғиши, момақалдироқ бўлиши мумкин. Кундузи ёғингарчилик кутилмайди. Шамол 5-10 метр/секунд тезликда эсади, 15-17 метр/секундгача кучайиши мумкин. Ҳаво ҳарорати 23-25 даража бўлади.

Тоғли ҳудудларда баъзи жойларда ёмғир ёғади, баланд тоғларда (2500 метрдан юқори) қорга айланиши мумкин. Шамол 7-12 метр/секунд тезликда эсади, баъзи жойларда 17-22 метр/секундгача кучайиши мумкин. Ҳаво ҳарорати 18-23 даража бўлади.

Эслатиб ўтамиз, «Ўзгидромет» 9 сентябрь куни Волгабўйи ҳудудларидан салқин ва бироз нам ҳаво массалари кириб келиб, шанба ва якшанба кунлари республиканинг барча ҳудудларига тарқалишини маълум қилганди.