“Liverpul” bosh murabbiyi Yurgen Klopp YCHL guruh bosqichi 1-turida “Napoli”dan uchralgan mag‘lubiyatdan so‘ng (1:4) o‘z fikrlarini bildirib o‘tdi.
O‘yin haqidaEslatib o‘tamiz, “Chelsi” bosh murabbiyi Tomas Tuxel guruh bosqichining 1-turida “Dinamo” Zagrebga uchralgan mag‘lubiyatdan (0:1) so‘ng iste’foga chiqarildi. Klopp boshchiligidagi “Liverpul” esa “Napoli”ga 1:4 hisobida mag‘lub bo‘ldi.O‘yinimizni qaytadan qurish kerakligi ko‘rinib turibdi. “Liverpul”ga ko‘p narsa yetishmadi. Mavsum davomida buni bajarishga to‘g‘ri keladi. 3 kundan so‘ng “Vulverhempton”ga qarshi o‘yin bor. Bu o‘yinda o‘zimizni yaxshiroq ko‘rsatish uchun reja topishga harakat qilish lozim.
Bir jamoa bo‘lib ishlamadik. Bu yerda gap shaxsiyatlar haqida ketmayapti. Yaxshi o‘yin ko‘rsata olmadik — bu aniq-ravshan ko‘rinib turgandi. Shu bois mag‘lub bo‘ldik. Buning uchun javobgarlikni o‘z bo‘ynimga olaman. Menga o‘ylab olish uchun vaqt kerak. Sabablarni topish, ularni bartaraf etish va davom etish mening ishim.
“Liverpul”ni qanday o‘zgartirish mumkinligi haqida
Shubhasiz, bu qiyin davr, ammo yaxshi o‘yin ko‘rsatmagan taqdiringda ham, yaxshiroq himoyalanishing lozim. Biz himoyada sifatli o‘yin ko‘rsatishimiz kerak edi.
Yo‘q, futbolning yangi uslubini o‘ylab topish shartmas. Shunchaki yaxshilanish lozim. Avvalgi o‘yinimizni ko‘rsata olsak, hamma xursand bo‘lar edi.
Tomas Tuxel singari iste’foga chiqishi mumkinligi haqida
Bundan tashvishlanmayapman. Bizning xo‘jayinlar ancha xotirjam, bu vaziyatni boshqa birov emas, aynan men hal qilishimni kutishmoqda.
Yurgen Klopp, “Liverpul” bosh murabbiyi
Izoh (0)