“So‘g‘diyona”ning OFK Kubogida navbatdagi raqibi nomi ma’lum bo‘ldi

OFK Kubogi hududlararo yarim finalida Malayziyaning “Kuala-Lumpur Siti” va Hindistonning “Mohun Bagan” jamoalari o‘zaro bahs olib bordi.

Dramatik ruhda kechgan bahsda Malayziya klubi ikkinchi bo‘limning qo‘shib berilgan daqiqalarida ikkita gol urib, g‘alabani o‘z tomoniga og‘dirdi.

Shu tariqa “So‘g‘diyona”ning hududlararo finaldagi raqibi “Kuala-Lumpur Siti” bo‘ladi. Ulug‘bek Baqoyev jamoasi hududlararo yarim finalda Gonkongning “Istern” jamoasini taslim etgandi (1:0).

Uchrashuv 5-oktabr kuni Jizzaxdagi “So‘g‘diyona markaziy” stadioni bo‘lib o‘tadi. Ushbu bahs g‘olibi OFK Kubogi finalida g‘arb mintaqasi g‘olibi bilan kubok uchun kurash olib boradi.

“Kuala-Lumpur Siti” Malayziya Superligasining 2022-yilgi mavsumi 17-turidan keyin musobaqa jadvalida 5-o‘rinda bormoqda. “Bo‘rilar” esa O‘zbekiston chempionatida 4-pog‘onani egallab turibdi.

Mavzuga doir: Ulug‘bek Baqoyev: “Uchta frontda kurashyapmiz, qiyin bo‘lyapti”