“Barselona” hujumchisi Robert Levandovski Chempionlar Ligasi 1-turi doirasida “Viktoriya Plzen”ga qarshi bahsda (5:1) uchta golga mualliflik qildi.
Bu polshalik futbolchi uchun YCHLdagi 6-het-trik bo‘ldi. Robert bu borada faqat Krishtianu Ronaldu va Lionel Messidan (8 tadan het-trik) ortda qolmoqda.
Levandovski Chempionlar Ligasida uchta klub safida het-trik qayd etgan musobaqa tarixidagi ilk futbolchi bo‘ldi. Avvalroq u “Borussiya D” va “Bavariya”da ham ushbu natijaga erishgandi.
Krishtianu Ronaldu, Filippo Inzagi va Neymar YCHLda ikkita klub tarkibida het-trik muallifiga aylangan.
2022-yilning yozida “Barselona” safiga qo‘shilgan Levandovski shu vaqtga qadar 5 ta rasmiy o‘yin o‘tkazib, 8 ta gol urdi.
Izoh (0)