Toshkent shahridagi ayrim ko‘chalar 9-sentabr soat 00:00 dan 12-sentabr soat 18:00 gacha yopiladi. Bu haqda shahar hokimligi axborot xizmati xabar berdi.
Ta’kidlanishicha, poytaxtda 9–11-sentabr kunlari Tashkent Music Fest 2022 musiqa festivali o‘tkaziladi. Shu munosabat bilan quyidagi ko‘chalar vaqtincha yopiladi:
- Buyuk Turon ko‘chasi Alisher Navoiy shohko‘chasi bilan kesishmasidan Mustaqillik shohko‘chasigacha;
- Istiqlol ko‘chasi Buyuk Turon ko‘chasi bilan kesishmasidan Hyatt Regency Tashkent mehmonxonasigacha;
- Zarafshon ko‘chasi Alisher Navoiy shohko‘chasi bilan kesishmasidan Mustaqillik shohko‘chasigacha;
- Javoharlal Neru ko‘chasi Zarafshon ko‘chasi bilan kesishmasidan Mustaqillik shohko‘chasigacha.
Mavzuga doir: Toshkentda 8-sentabr kuni ayrim ko‘chalar vaqtincha yopiladi — xarita
Izoh (0)