Тошкентдаги айрим кўчалар 9 сентябрдан 12 сентябргача ёпилади — харита

Тошкент шаҳридаги айрим кўчалар 9 сентябрь соат 00:00 дан 12 сентябрь соат 18:00 гача ёпилади. Бу ҳақда шаҳар ҳокимлиги ахборот хизмати хабар берди.

Таъкидланишича, пойтахтда 9–11 сентябрь кунлари Tashkent Music Фест 2022 мусиқа фестивали ўтказилади. Шу муносабат билан қуйидаги кўчалар вақтинча ёпилади:

• Буюк Турон кўчаси Алишер Навоий шоҳкўчаси билан кесишмасидан Мустақиллик шоҳкўчасигача;
• Истиқлол кўчаси Буюк Турон кўчаси билан кесишмасидан Hyatt Regency Tashkent меҳмонхонасигача;
• Зарафшон кўчаси Алишер Навоий шоҳкўчаси билан кесишмасидан Мустақиллик шоҳкўчасигача;
• Жавоҳарлал Неру кўчаси Зарафшон кўчаси билан кесишмасидан Мустақиллик шоҳкўчасигача.

Мавзуга доир: Тошкентда 8 сентябрь куни айрим кўчалар вақтинча ёпилади — харита