Shu yili suratga olingan “Sendan go‘zal” filmida Juneyt va Ali rolini ijro etgan, “Jumla” seriali orqali tanilgan Xoqon Dinchkol “Sevgi va umid” loyihasida ishtirok etmoqda. Bu “D” kanali tomonidan taqdim etilishi kutilayotgan kunduzgi serial bo‘ladi. Shuningdek, Mine Chayiro‘g‘lu, Arda Esen, Zafer Demirjan va boshqa aktyorlar ushbu loyihada ishtirok etgan.
Aytach Shashmaz Barish Akarsu hayoti haqida hikoya qiluvchi “Salom Barish Akarsu” filmida bosh rolni ijro etgan Ismoilning akasi Ege Shashmazdan mamnun, akasining mashhur xonandaga o‘xshashligini ko‘rib, juda hayron bo‘ldi. Shashmaz, shuningdek, Britaniya kino olamining afsonaviy aktyori Charli Chaplin rolini o‘ynashni orzu qilganini ma’lum qildi. Aytach Jemre Baysel bilan “Taqdir o‘yini” serialida boshlangan munosabatlarning davom etayotganini tasdiqladi. Uning yangi loyihasi esa Amerikaning “Beverli-xillz 90210” serialiga o‘xshab ketadigan “Kelajak uzoq vaqt oladi” seriali bo‘ladi.
Topchu Janer va Rabiye Soyturkning mashhurligi yozgi loyihalar, aktyorlik karyerasida yaxshi start tramplin bo‘lganligini yana bir bor tasdiqlaydi. Reytinglar zerikarli va ta’sirchan ko‘rinmasa ham, suratga olish maydonchasidagi aktyorlik va o‘zaro tushunish orqali kuchli energiya taratgan serial duetidagi o‘ziga xos uyg‘unlik tomoshabinlarning ijobiy munosabatini ta’minlaydi. Loyihaning televideniyeda namoyish etilishi davomida yosh aktyorlarning Instagram’dagi obunachilari soni 2 millionga yetdi, ular yozgi loyihalarning eng yaxshi 10 ta juftligi orasida 1-o‘rinni egalladi. Juftlik teledasturlarga va fotosessiyalarga taklif etila boshlandi. Shuningdek, ular TC Candler tomonidan tuziladigan dunyoning eng go‘zal yuzlari ro‘yxatiga nomzod bo‘ldi. Boshlanish bo‘ldi, deganlaridek, endi “omadning dumidan tutish” kerak, ularning kelajakdagi faoliyati faqat o‘ziga bog‘liq.
Chag‘lar Ertug‘rul “Tashkilot” loyihasidan ketganidan so‘ng bosh rolga da’vogarlarni ko‘rib chiqqan telekanal Murat Yildirimga taklif bilan chiqqani ma’lum bo‘ldi. Aktyor esa bu taklifni rad etmadi, u “Tashkilot” serialida Deniz Baysal bilan birga rol ijro etadi va yangi mavsumda Omer Atmadji obrazini gavdalantiradi.
O‘g‘uzxon Koch asal oyidan so‘ng “Kechirasiz” nomli yangi filmda suratga tusha boshlaydi. O‘g‘uzxon ko‘proq xonanda sifatida tanilgan, lekin tez-tez filmlarda rol o‘ynaydi, uning filmografiyasida 12 ta loyiha bor. “Kechirasiz” filmi raqamli ravishda chiqariladi, ssenariy muallifi Ibrohim Bukak. Uning sherigi Gizem Kaarja bo‘ladi.
Jan Yaman 14-sentabrda (ba’zi ma’lumotlarga ko‘ra, 30-sentabr) premyerasi bo‘lib o‘tadigan “Dengiz kabi binafsharang” Italiyada ishlangan birinchi loyihasining premyerasiga hozirlik ko‘rmoqda. Jan Yaman o‘zining yangi loyihasini taqdim etish uchun Venetsiyaga yetib borgan. Turk aktyorining Italiyadagi keyingi faoliyati uning muvaffaqiyatiga bog‘liq.
O‘tgan yozdan beri televideniyega chiqmagan Sechkin O‘zdemir “Boshimdagi musibat” kriminal detektivida suratga tushganidan so‘ng yangi loyihaga hozirlik ko‘rmoqda. Uning yangi loyihasi 2023-yil boshida ekranlarga chiqadi. Bu aktyorning muxlislari uchun ajablablanarli holat, chunki u seriallarda rol o‘ynashni emas, teatr sohasida ishlashni rejalashtirgan.
Turkiya rasmiylariga ko‘ra, loyiha 2016-yilgi davlat to‘ntarishi ortida turgan “Gulen harakati” terror tashkilotiga qarshi kurash haqida hikoya qiladi.
Yozgi ta’tildan so‘ng “Aziz” serialini suratga olish ishlarini muvaffaqiyatli yakunlagan Damla So‘nmez “O3 medya” telekompaniyasining “Mavi surgun” nomli yangi loyihasida ishtirok etish bo‘yicha muzokaralar olib bormoqda. Loyihada bosh rollarni Janer Jindoruk va Serkan Altunorak ijro etadi. Loyihaning premyerasi Lotin Amerikasi telekanallaridan birida bo‘lib o‘tadi va aynan Lotin Amerikasi telekanalida ushbu serialga buyurtma berilgan. Hozirda serialning 26 ta qismini suratga olish rejalashtirilgan. Aktyorlar tarkibi tanlangan.
Mavzuga doir:
- 2022—2023-yil kuz-qish mavsumida namoyish etilishi kutilayotgan turk kinosi yangiliklari (foto).
- Ebru Shahin Amerikaga ko‘chib ketmoqda, Hande Erchel Disney bilan shartnoma imzoladi. Turk kinosi yangiliklari (foto).
- Chag‘lar Ertug‘rul Deniz Baysal bilan yana bir kinoda suratga tushishni rejalashtirmoqda, Jan Yamanning Italiyadagi loyihasi, Yildiz va Ender “Qora niyatni tark etadimi? Turk kinosi yangiliklari.
- O‘zbekistonda Oktay Kaynarja ishtirokida ishlanayotgan serial, yangi mavsumda tomoshabinlar xayrlashadigan qahramonlar. Turk kinosi yangiliklari.
Izoh (0)