Шу йили суратга олинган «Сендан гўзал» фильмида Жунейт ва Али ролини ижро этган, «Жумла» сериали орқали танилган Хоқон Динчкол «Севги ва умид» лойиҳасида иштирок этмоқда. Бу «Д» канали томонидан тақдим этилиши кутилаётган кундузги сериал бўлади. Шунингдек, Мине Чайирўғлу, Арда Эсен, Зафер Демиржан ва бошқа актёрлар ушбу лойиҳада иштирок этган.
Айтач Шашмаз Бариш Акарсу ҳаёти ҳақида ҳикоя қилувчи «Салом Бариш Акарсу» фильмида бош ролни ижро этган Исмоилнинг акаси Эге Шашмаздан мамнун, акасининг машҳур хонандага ўхшашлигини кўриб, жуда ҳайрон бўлди. Шашмаз, шунингдек, Британия кино оламининг афсонавий актёри Чарли Чаплин ролини ўйнашни орзу қилганини маълум қилди. Айтач Жемре Байсел билан «Тақдир ўйини» сериалида бошланган муносабатларнинг давом этаётганини тасдиқлади. Унинг янги лойиҳаси эса Американинг «Беверли-хиллз 90210» сериалига ўхшаб кетадиган «Келажак узоқ вақт олади» сериали бўлади.
Топчу Жанер ва Рабие Сойтуркнинг машҳурлиги ёзги лойиҳалар, актёрлик карьерасида яхши старт трамплин бўлганлигини яна бир бор тасдиқлайди. Рейтинглар зерикарли ва таъсирчан кўринмаса ҳам, суратга олиш майдончасидаги актёрлик ва ўзаро тушуниш орқали кучли энергия таратган сериал дуэтидаги ўзига хос уйғунлик томошабинларнинг ижобий муносабатини таъминлайди. Лойиҳанинг телевидениеда намойиш этилиши давомида ёш актёрларнинг Instagram’даги обуначилари сони 2 миллионга етди, улар ёзги лойиҳаларнинг энг яхши 10 та жуфтлиги орасида 1-ўринни эгаллади. Жуфтлик теледастурларга ва фотосессияларга таклиф этила бошланди. Шунингдек, улар TC Candler томонидан тузиладиган дунёнинг энг гўзал юзлари рўйхатига номзод бўлди. Бошланиш бўлди, деганларидек, энди «омаднинг думидан тутиш» керак, уларнинг келажакдаги фаолияти фақат ўзига боғлиқ.
Чағлар Эртуғрул «Ташкилот» лойиҳасидан кетганидан сўнг бош ролга даъвогарларни кўриб чиққан телеканал Мурат Йилдиримга таклиф билан чиққани маълум бўлди. Актёр эса бу таклифни рад этмади, у «Ташкилот» сериалида Дениз Байсал билан бирга рол ижро этади ва янги мавсумда Омер Атмаджи образини гавдалантиради.
Ўғузхон Коч асал ойидан сўнг «Кечирасиз» номли янги фильмда суратга туша бошлайди. Ўғузхон кўпроқ хонанда сифатида танилган, лекин тез-тез фильмларда рол ўйнайди, унинг фильмографиясида 12 та лойиҳа бор. «Кечирасиз» фильми рақамли равишда чиқарилади, сценарий муаллифи Иброҳим Букак. Унинг шериги Гизем Кааржа бўлади.
Жан Яман 14 сентябрда (баъзи маълумотларга кўра, 30 сентябрь) премьераси бўлиб ўтадиган «Денгиз каби бинафшаранг» Италияда ишланган биринчи лойиҳасининг премьерасига ҳозирлик кўрмоқда. Жан Яман ўзининг янги лойиҳасини тақдим этиш учун Венецияга етиб борган. Турк актёрининг Италиядаги кейинги фаолияти унинг муваффақиятига боғлиқ.
Ўтган ёздан бери телевидениега чиқмаган Сечкин Ўздемир «Бошимдаги мусибат» криминал детективида суратга тушганидан сўнг янги лойиҳага ҳозирлик кўрмоқда. Унинг янги лойиҳаси 2023 йил бошида экранларга чиқади. Бу актёрнинг мухлислари учун ажаблабланарли ҳолат, чунки у сериалларда рол ўйнашни эмас, театр соҳасида ишлашни режалаштирган.
Туркия расмийларига кўра, лойиҳа 2016 йилги давлат тўнтариши ортида турган «Гулен ҳаракати» террор ташкилотига қарши кураш ҳақида ҳикоя қилади.
Ёзги таътилдан сўнг «Азиз» сериалини суратга олиш ишларини муваффақиятли якунлаган Дамла Сўнмез «О3 медя» телекомпаниясининг «Мави сургун» номли янги лойиҳасида иштирок этиш бўйича музокаралар олиб бормоқда. Лойиҳада бош ролларни Жанер Жиндорук ва Серкан Алтунорак ижро этади. Лойиҳанинг премьераси Лотин Америкаси телеканалларидан бирида бўлиб ўтади ва айнан Лотин Америкаси телеканалида ушбу сериалга буюртма берилган. Ҳозирда сериалнинг 26 та қисмини суратга олиш режалаштирилган. Актёрлар таркиби танланган.
Мавзуга доир:
- 2022—2023 йил куз-қиш мавсумида намойиш этилиши кутилаётган турк киноси янгиликлари (фото).
- Эбру Шаҳин Америкага кўчиб кетмоқда, Ҳанде Эрчел Disney билан шартнома имзолади. Турк киноси янгиликлари (фото).
- Чағлар Эртуғрул Дениз Байсал билан яна бир кинода суратга тушишни режалаштирмоқда, Жан Яманнинг Италиядаги лойиҳаси, Йилдиз ва Эндер «Қора ниятни тарк этадими? Турк киноси янгиликлари.
- Ўзбекистонда Октай Кайнаржа иштирокида ишланаётган сериал, янги мавсумда томошабинлар хайрлашадиган қаҳрамонлар. Турк киноси янгиликлари.
Изоҳ (0)