Radioman (“Radiooperator”) — butun dunyo bo‘ylab millionlab odamlarga ma’lum bo‘lgan Nyu-Yorkdagi uysiz odam, deb yozadi The Voice Mag.
Dunyoda qanchadan qancha uysizlar bor? Minglabmi? Millionlabmi? Ular haqida deyarli hech narsa ma’lum emas. Ammo shunday shaxslar borki, ular qanday maqomda bo‘lishiga qaramay, butun dunyo bo‘ylab mashhurlikka erishgan.
Ushbu material qahramoni — Nyu-Yorkdagi eng mashhur uysiz odam. Uning haqiqiy ismi Kreyg Kastaldo, lekin butun dunyoga “Radiooperator” (Radioman) nomi bilan tanilgan. U doimo bo‘yniga taqib yurgan radiosi tufayli shunday nom olgan.
Kreyg aktyor Robin Uilyamsga juda o‘xshashligi uchun unga e’tibor bermaslikning iloji yo‘q. U har doim ko‘chalarda tabassum qilib, hatto mashhur odamlar bilan ham samimiy suhbat quradi. U bir emas, ikki emas, bir necha yulduzlar bilan uchrashgan. Oradan ko‘p o‘tmay “Radiooperator” Amerikaning barcha mashhurlari bilan tanishishga muvaffaq bo‘ldi.
Albatta, bunday tanishuvlar shunchaki izsiz qolib ketmadi. Tez orada Kreyg filmlardagi epizodik rollarga taklif qilina boshladi. Natijada uning film va teleko‘rsatuvlarda 100 dan ortiq ishi paydo bo‘ldi.
Ajablanarlisi shundaki, mashhurligiga qaramay, Kreyg hech qachon turmush tarzini o‘zgartirmadi, u butun umr uysizligicha qoldi. Uning bor mulki velosiped va uning ruliga ilingan bir nechta paketlar edi.
Radiooperatorning bugungi kunda tirik yoki hayot emasligi noma’lum: uning so‘nggi suratlari 2020-yil may oyida e’lon qilingan.
Mavzuga doir: Jorj Kluni, Tom Kruz, Kayli Jenner va boshqa mashhurlarning eng hashamatli uylari (foto)
Izoh (0)