Apple компаниясининг йиллик анъанавий тақдимотида узоқ кутилган янги маҳсулот — iPhone 14 тақдим этилди.
iPhone 14 Plus 6,7 дюймли дисплейга эга. Оддий iPhone 14 iPhone 13 билан бир хил дисплейга эга. Иккала смартфон ҳам iPhone 13 Pro каби А15 процессорига эга.
Смартфон қувватни 24 соатгача сақлай олади. iPhone 14 SIM-картасиз чиқарилади: Apple компаниясининг янги смартфонларида э-SIM-карталар бўлади. iPhone 14 2022 йил ноябрь ойидан бошлаб сунъий йўлдош орқали қўллаб-қувватланади (лекин ҳозирча фақат АҚШ бозорида). Дастлабки икки йил бу хусусият бепул бўлади. Сунъий йўлдош алоқалари орқали қисқа хабарлар ва геолокацияни юбориш мумкин.
iPhone 14 беш хил рангда чиқарилади ва кучли ҳимояланган экранга эга бўлади. А15 чипида камерани ва суратни яхшиловчи алоҳида бўлим мавжуд.
iPhone 14 нархи 799 доллардан, 14 Plus эса 899 доллардан бошланади.
iPhone 14 Pro
Нархлар: Про 999 доллардан, Pro Max 1099 доллардан бошланади. 16 сентябрдан сотувга чиқарилади.
Тақдимотда янгиланган Apple Watch Series 8 ҳам тақдим этилди. Янги моделда тана ҳарорати сенсори, цикл кузатуви, шунингдек, кучайтирилган хавфсизлик чоралари мавжуд.
Apple Watch Series 8’нинг янги хусусиятларидан бири фойдаланувчининг бахтсиз ҳодисага учраганини автоматик равишда аниқлай оладиган ва ёрдам чақириши мумкин бўлган технологияси бўлади.
Соатнинг нархи 399 доллардан бошланади.
Apple Watch Ултра
Apple Watch Ултра — титан корпусли ва 49 мм текис экранли Apple Watch’нинг кейинги авлоди.
Экстремал шароитларда фойдаланиш учун мўлжалланган. Соат қувватни тежаш режимида 60 соатгача, нормал режимда эса 36 соатгача ишлай олади.
Apple Watch Ултраъдаги янги хусусиятлардан бири бу ўрнатилган сирена бўлиб, у деярли 200 метр масофадан эшитилади.
Нархи — 799 доллар.
Изоҳ (0)