Toshkent viloyatining Zangiota tumanidagi mahallalarning birida daydi itlar ko‘payib, bolalarga tashlanayotgani ayilmoqda. Bu haqda “Milliy” telekanali “Millar” dasturida xabar qilindi.
Tumandagi “Obod to‘qimachi” mahallasida yashovchi fuqaro shu muammo yuzasidan telekanalga murojaat qilgan. Mahallada yashovchi ayollardan birining aytishicha, daydi itlardan biri uning o‘g‘liga tashlangan. Bu muammo yuzasidan yordam so‘rab qilgan murojaati besamar ketgan. “Obod to‘qimachi” mahallasi raisi esa bu borada hech qanday murojaat bo‘lmaganini aytgan.
“Menga mahalla fuqarolari aytishadi men darrov aytaman o‘sha ko‘chani, itlarini ushlab ketishadi Necha marta ‘pechat’ini qo‘yib berdim, qanchadan it ushlaganini. To‘qimachi 15 ga bordi, Navbahor, Gulobod, Qayum Umarovga bordi, ko‘zimning oldida qancha itlarni tutib olib ketishdi. Lekin bu ko‘chada itlar ko‘pligidan xabarim yo‘q edi”, — degan mahalla raisi Zulfiya Saidahmedova.
Telekanal murojaatni o‘rganishni boshlaganidan keyin Zangiota tumani Nazoratsiz hayvonlarni tutish xizmati xodimlari yetib kelgan va bolalarga tashlanayotgani aytilgan daydi itlarni tutishga kirishgan.
Izoh (0)