Тошкент вилоятининг Зангиота туманидаги маҳаллаларнинг бирида дайди итлар кўпайиб, болаларга ташланаётгани айилмоқда. Бу ҳақда «Миллий» телеканали «Миллар» дастурида хабар қилинди.
Тумандаги «Обод тўқимачи» маҳалласида яшовчи фуқаро шу муаммо юзасидан телеканалга мурожаат қилган. Маҳаллада яшовчи аёллардан бирининг айтишича, дайди итлардан бири унинг ўғлига ташланган. Бу муаммо юзасидан ёрдам сўраб қилган мурожаати бесамар кетган. «Обод тўқимачи» маҳалласи раиси эса бу борада ҳеч қандай мурожаат бўлмаганини айтган.
«Менга маҳалла фуқаролари айтишади мен дарров айтаман ўша кўчани, итларини ушлаб кетишади Неча марта ‘печатъини қўйиб бердим, қанчадан ит ушлаганини. Тўқимачи 15 га борди, Навбаҳор, Гулобод, Қаюм Умаровга борди, кўзимнинг олдида қанча итларни тутиб олиб кетишди. Лекин бу кўчада итлар кўплигидан хабарим йўқ эди», — деган маҳалла раиси Зулфия Саидаҳмедова.
Телеканал мурожаатни ўрганишни бошлаганидан кейин Зангиота тумани Назоратсиз ҳайвонларни тутиш хизмати ходимлари етиб келган ва болаларга ташланаётгани айтилган дайди итларни тутишга киришган.
Изоҳ (0)