2022-yil yanvar—iyul oylari yakunlariga ko‘ra, O‘zbekistondan to‘qimachilik mahsulotlari eksporti 1,91 milliard dollar miqdorida amalga oshirildi. Bu haqda Iqtisodiy hamkorlik tashkilotiga tayanib Dunyo axborot agentligi xabar qilmoqda.
Qayd etilishicha, ko‘rsatkich umumiy eksport hajmining 17 foizini tashkil etadi. 2021-yil yanvar—iyul oylari bilan taqqoslaganda, u 19,2 foizga oshgan. To‘qimachilik eksporti tarkibida paxta kalavasi (51,3 foizi), shuningdek, tayyor trikotaj va tikuvchilik mahsulotlari (25,1 foizi) asosiy ulushni tashkil qiladi.
Maqolada ta’kidlanishicha, 7 oyda dunyoning 67 mamlakatiga 494 turdan ortiq to‘qimachilik mahsulotlari eksport qilingan.
“O‘zbekiston iqtisodiyotida yengil sanoatning roli sezilarli darajada oshdi, uning yalpi ichki mahsulotdagi ulushi 8,8 foizni tashkil etdi”, — deb yozadi IHTning Savdo-sanoat palatasi portali.
Izoh (2)
67 mamlakat deng
Dunyoda 494 mamlakat borligini endi bildim