Buxoro viloyati Qorovulbozor tumanida do‘koni xatlangan qarzdor bankdan olgan qarzini to‘lab berdi. Bu haqda Majburiy ijro byurosi axborot xizmati “Daryo”ga ma’lum qildi.
Qayd etilishicha, byuroning Qorovulbozor tumani bo‘limi ish yurituviga fuqarolik ishlari bo‘yicha Kogon tumanlararo sudining ijro varaqasi kelib tushgan. Ijro varaqasiga asosan qarzdor “U.E.Ch.” MCHJdan undiruvchi ATB “Agrobank” Buxoro viloyati foydasiga jami 287 252 900 so‘m undirish, undiruvni garovga qo‘yilgan M.Buzrukovaga tegishli, Qorovulbozor tumani Buyuk Ipak yo‘li ko‘chasida joylashgan “Salqin ichimliklar sotish do‘koni” binosiga qaratish belgilangan.
Mazkur ijro hujjati bo‘lim ish yurituviga kelib tushgandan so‘ng qarzdorga berilgan ixtiyoriy muddatda qarzdorlikni qoplamagani sababli davlat ijrochisi tomonidan garovga qo‘yilgan M.Buzrukovaga tegishli, umumiy maydoni 81,60 kvadrat metr, qurilish maydoni 82 kvadrat metr, foydali va yashash maydoni 134,40 kvadrat metrdan iborat “Salqin ichimliklar sotish do‘koni” bino va inshooti tegishli tartibga xatlangan.
Mazkur bino va inshooti yerdan doimiy foydalanish huquqi bilan birga 328 million so‘mga baholanib, “E-auksion” elektron savdo maydonchasi orqali savdoga chiqarilgan.
Qarzdor ko‘chmas mulkining sotilishini bilgandan so‘ng ijro hujjatida ko‘rsatilgan qarzdorlikni to‘liq qoplab berdi. Hozirda ish yurituvdagi banklar foydasiga kredit qarz undirish bilan bog‘liq ijro hujjatlari ijrosini ta’minlash borasidagi ijro harakatlari davom ettirilmoqda.
Izoh (0)