2022 йил январь—июль ойлари якунларига кўра, Ўзбекистондан тўқимачилик маҳсулотлари экспорти 1,91 миллиард доллар миқдорида амалга оширилди. Бу ҳақда Иқтисодий ҳамкорлик ташкилотига таяниб Дунё ахборот агентлиги хабар қилмоқда.
Қайд этилишича, кўрсаткич умумий экспорт ҳажмининг 17 фоизини ташкил этади. 2021 йил январь—июль ойлари билан таққослаганда, у 19,2 фоизга ошган. Тўқимачилик экспорти таркибида пахта калаваси (51,3 фоизи), шунингдек, тайёр трикотаж ва тикувчилик маҳсулотлари (25,1 фоизи) асосий улушни ташкил қилади.
Мақолада таъкидланишича, 7 ойда дунёнинг 67 мамлакатига 494 турдан ортиқ тўқимачилик маҳсулотлари экспорт қилинган.
«Ўзбекистон иқтисодиётида енгил саноатнинг роли сезиларли даражада ошди, унинг ялпи ички маҳсулотдаги улуши 8,8 фоизни ташкил этди», — деб ёзади ИҲТнинг Савдо-саноат палатаси портали.
Изоҳ (2)
67 mamlakat deng
Dunyoda 494 mamlakat borligini endi bildim