Surxondaryodagi bozorda valyutafurush ushlandi

Surxondaryo viloyati Sho‘rchi tumanida valyuta qimmatliklarining noqonuniy muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti xabar qildi.

Qayd etilishicha, bosh prokuratura huzuridagi departamentning Qiziriq va Sho‘rchi tuman bo‘limlari tomonidan tezkor tadbir o‘tkazilgan. Unda “Sho‘rchi dehqon bozori”atrofida noqonuniy valyuta ayirboshlash bilan shug‘ullanib kelgan D.Ch. fuqaro A.dan jami 3,5 ming dollarni 38,1 million so‘mga sotib olgan vaqtida ashyoviy dalillar bilan ushlangan.

Holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.