O‘zbekiston Respublikasi birinchi prezidenti Islom Karimov vafot etganiga 2-sentabr kuni 6 yil to‘ldi. Karimov fondi mazkur sana munosabati bilan video e’lon qildi.
“Alloh taolodan rahmatli yurtboshimizning Vatan ozodligi, yurt tinchligi, milliy va diniy qadriyatlarimizni tiklash va el farovonligi yo‘lidagi solih amallarini qabul aylashini va ohiratlarini obod qilishini so‘raymiz.
Joyingiz jannatda bo‘lsin. Qalbimizda abadiy yashaysiz”, — deyiladi video ostidagi izohga.
Eslatib o‘tamiz, sobiq sog‘liqni saqlash vaziri Anvar Alimov va boshqa tibbiyot mutaxassislari tuzgan tibbiy xulosaga binoan, Islom Karimov 2016-yilning 27-avgust kuni ertalab soat 09:00 da hushsiz holatda zudlik bilan Sog‘liqni saqlash vazirligi Tibbiyot-sanitariya birlashmasining Markaziy klinik shifoxonasiga olib kelingan.
To‘liq hajmdagi diagnostika-davolash muolajalari va intensiv terapiya chora-tadbirlari o‘tkazilganiga qaramasdan 2016-yil 2-sentabr kuni soat 20:15 da yurak faoliyati to‘xtagan. Amalga oshirilgan intensiv reanimatsiya tadbirlari natija bermagan va bemorda soat 20:55 da biologik o‘lim holati qayd etilgan.
Izoh (0)