Ўзбекистон Республикаси биринчи президенти Ислом Каримов вафот этганига 2 сентябрь куни 6 йил тўлди. Каримов фонди мазкур сана муносабати билан видео эълон қилди.
«Аллоҳ таолодан раҳматли юртбошимизнинг Ватан озодлиги, юрт тинчлиги, миллий ва диний қадриятларимизни тиклаш ва эл фаровонлиги йўлидаги солиҳ амалларини қабул айлашини ва оҳиратларини обод қилишини сўраймиз.
Жойингиз жаннатда бўлсин. Қалбимизда абадий яшайсиз», — дейилади видео остидаги изоҳга.
Эслатиб ўтамиз, собиқ соғлиқни сақлаш вазири Анвар Алимов ва бошқа тиббиёт мутахассислари тузган тиббий хулосага биноан, Ислом Каримов 2016 йилнинг 27 август куни эрталаб соат 09:00 да ҳушсиз ҳолатда зудлик билан Соғлиқни сақлаш вазирлиги Тиббиёт-санитария бирлашмасининг Марказий клиник шифохонасига олиб келинган.
Тўлиқ ҳажмдаги диагностика-даволаш муолажалари ва интенсив терапия чора-тадбирлари ўтказилганига қарамасдан 2016 йил 2 сентябрь куни соат 20:15 да юрак фаолияти тўхтаган. Амалга оширилган интенсив реанимация тадбирлари натижа бермаган ва беморда соат 20:55 да биологик ўлим ҳолати қайд этилган.
Изоҳ (0)