Digital operator mamlakatimiz poytaxti va Samarqand o‘rtasida qatnovchi “Afrosiyob” poyezdlari yo‘nalishi bo‘ylab yuqori tezlikdagi internet tarmog‘iga ulanishni ta’minladi.
Asosiy turizm infratuzilmasi obyektlari joylashgan hududlarda, xususan, yangi ochilgan “Buyuk ipak yo‘li” xalqaro sayyohlik markazida ham texnik ishlar bajarildi. Loyiha Beeline Uzbekistan tomonidan Axborot texnologiyalari va kommunikatsiyalarini rivojlantirish vazirligi bilan hamkorlikda amalga oshirildi.
Dunyoga mashhur tarix va me’morchilik yodgorliklariga ega Samarqand O‘zbekistonga xorijdan kelayotgan sayyohlar uchun ham, mamlakatimiz aholisi uchun ham diqqatga sazovor joylardan biri hisoblanadi. Shu bois, Samarqandda bir necha kun avval prezident Shavkat Mirziyoyev ishtirokida ochilgan “Abadiy shahar” majmuasida yangi sayyohlik markazi tashkil etildi. Sentyabr oyida markaz SHHT sammiti o‘tkaziladigan joyga aylanadi.
Beeline Uzbekistan Samarqandga olib boruvchi yo‘lda va shaharning o‘zida mamlakat mehmonlari eng yuqori sifatli aloqadan foydalanishlari uchun barcha imkoniyatlarni yaratib berdi. Loyiha doirasida operator 40ga yaqin baza stansiyalarini o‘rnatdi va modernizatsiya qildi.
Yangi texnika, jumladan, “Afrosiyob” poyezdlari yo‘nalishi bo‘ylab ishga tushirildi. Temir yo‘lda, M39 Toshkent-Samarqand avtomobil yo‘lida, Samarqand xalqaro aeroportida, “Buyuk ipak yo‘li” sayyohlik markazida, Imom Al-Buxoriy yodgorlik majmuasi hududida va bir qator shaharlarda Beeline‘ning yuqori tezlikdagi 4G internet tarmog‘i foydalanuvchilar uchun mavjud.
Axborot texnologiyalari va kommunikatsiyalarini rivojlantirish vaziri Sherzod Shermatov temir yo‘l yo‘nalishida 4G tarmog‘ining ulanishi haqida fikrlarini aytdi.
O‘zbekiston aholisi, shuningdek, mamlakatimiz mehmonlarini yuqori sifatli aloqa va tezkor internetdan foydalanish imkoniyatini ta’minlash maqsadida Toshkent va Samarqand o‘rtasidagi muhim yuqori tezlikdagi temir yo‘l yo‘nalishida 4G tarmog‘ini qurishga qaror qilindi”. “Raqamli operator qisqa vaqt ichida “Afrosiyob” tezyurar poyezdi yo‘nalishi bo‘ylab yuqori tezlikdagi internet aloqasini yo‘lga qo‘yish bo‘yicha jiddiy texnik yechimlarni ishlab chiqdi. Temir yo‘llarimiz bo‘ylab aloqa sifatining bunday yaxshilanishi O‘zbekistonning mamlakatni raqamlashtirish yo‘lida borayotganidan yaqqol dalolatdir. Bu esa iqtisodiy o‘sish sur’atlarini oshiradi.
Biz iqtisodiyotning barcha tarmoqlarini raqamlashtirishda faol ishtirok etmoqdamiz. Biroq asosiy vazifalardan biri mashhur sayyohlik yo‘nalishlarida tarmoqni yaxshilashdan iboratdir. Zero, mamlakatimiz mehmonlari O‘zbekistonning umumiy rivojlanish darajasiga raqamli xizmatlar sifatiga qarab baho berishadi. Biz katta ishtiyoq bilan poyezdlar va yangi obyektlarni internet bilan ta’minlash loyihasi ustida ishladik. U yerda yaqinda ShHT sammiti bo‘lib o‘tadi. Biz uchun bu nafaqat kompaniya xizmatlarining yuqori sifatini yana bir bor e’lon qilish, balki mamlakatga real foyda keltirish uchun imkoniyatdir, — deya voqeani sharhladi VEON GROUP bosh direktori Kaan Terzioglu.Unitel MCHJ 2006-yilning 12-sentyabrdan boshlab Beeline Uzbekistan savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam (Niderlandiya) shahrida joylashgan VEON xalqaro telekommunikatsiya xoldingi tarkibiga kiradi.
VEON 8 mamlakatda 220 milliondan ortiq obunachiga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashgan.
Beeline Uzbekistan‘da 1 ming 600 nafarga yaqin xodim ishlaydi. VEON 2006-yili O‘zbekiston bozoriga kirishi bilan mamlakat telekommunikatsiya sohasiga 1 milliard 200 million AQSH dollaridan ortiq sarmoya kiritdi. Beeline SB‘ning O‘zbekistondagi faoliyati davomida 1 milliard 800 million dollardan ortiq soliq to‘langan.
Sayt: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan
Reklama huquqi asosida.
Izoh (0)