Andijon viloyati “Do‘stlik” chegara bojxona postida 36 ming dollar noqonuniy olib chiqib ketilishining oldi olindi. Bu haqda viloyat bojxona boshqarmasi xabar berdi.
Ma’lum qilinishicha, ushbu chegara bojxona postiga chiqish piyoda yo‘lagi orqali Qirg‘izistonga o‘tib ketish maqsadida kirib kelgan bir necha fuqarolar harakati bojxonachilar e’tiborini tortgan. Shundan so‘ng ushbu fuqarolar qonunchilikda belgilangan tartibda bojxona shaxsiy ko‘rigidan o‘tkazilgan.
O‘tkazilgan bojxona ko‘rigi natijasida ushbu fuqarolarning yonidan deklaratsiyada ko‘rsatilmagan va bojxonachilarning og‘zaki so‘rovida ma’lum qilinmagan jami 36 ming dollar borligi aniqlangan.
Hozirda mazkur holat yuzasidan Andijon viloyati bojxona boshqarmasi tomonidan tergovga qadar tekshiruv harakatlari davom ettirilmoqda.
Mavzuga doir:
Izoh (0)