Digital оператор мамлакатимиз пойтахти ва Самарқанд ўртасида қатновчи «Афросиёб» поездлари йўналиши бўйлаб юқори тезликдаги интернет тармоғига уланишни таъминлади.
Асосий туризм инфратузилмаси объектлари жойлашган ҳудудларда, хусусан, янги очилган «Буюк ипак йўли» халқаро сайёҳлик марказида ҳам техник ишлар бажарилди. Лойиҳа Beeline Uzbekistan томонидан Ахборот технологиялари ва коммуникацияларини ривожлантириш вазирлиги билан ҳамкорликда амалга оширилди.
Дунёга машҳур тарих ва меъморчилик ёдгорликларига эга Самарқанд Ўзбекистонга хориждан келаётган сайёҳлар учун ҳам, мамлакатимиз аҳолиси учун ҳам диққатга сазовор жойлардан бири ҳисобланади. Шу боис, Самарқандда бир неча кун аввал президент Шавкат Мирзиёев иштирокида очилган «Абадий шаҳар» мажмуасида янги сайёҳлик маркази ташкил этилди. Сентябр ойида марказ ШҲТ саммити ўтказиладиган жойга айланади.
Beeline Uzbekistan Самарқандга олиб борувчи йўлда ва шаҳарнинг ўзида мамлакат меҳмонлари энг юқори сифатли алоқадан фойдаланишлари учун барча имкониятларни яратиб берди. Лойиҳа доирасида оператор 40га яқин база станцияларини ўрнатди ва модернизация қилди.
Янги техника, жумладан, «Афросиёб» поездлари йўналиши бўйлаб ишга туширилди. Темир йўлда, М39 Тошкент-Самарқанд автомобиль йўлида, Самарқанд халқаро аэропортида, «Буюк ипак йўли» сайёҳлик марказида, Имом Ал-Бухорий ёдгорлик мажмуаси ҳудудида ва бир қатор шаҳарларда Beeline‘нинг юқори тезликдаги 4G интернет тармоғи фойдаланувчилар учун мавжуд.
Ахборот технологиялари ва коммуникацияларини ривожлантириш вазири Шерзод Шерматов темир йўл йўналишида 4G тармоғининг уланиши ҳақида фикрларини айтди.
Ўзбекистон аҳолиси, шунингдек, мамлакатимиз меҳмонларини юқори сифатли алоқа ва тезкор интернетдан фойдаланиш имкониятини таъминлаш мақсадида Тошкент ва Самарқанд ўртасидаги муҳим юқори тезликдаги темир йўл йўналишида 4G тармоғини қуришга қарор қилинди». «Рақамли оператор қисқа вақт ичида «Афросиёб» тезюрар поезди йўналиши бўйлаб юқори тезликдаги интернет алоқасини йўлга қўйиш бўйича жиддий техник ечимларни ишлаб чиқди. Темир йўлларимиз бўйлаб алоқа сифатининг бундай яхшиланиши Ўзбекистоннинг мамлакатни рақамлаштириш йўлида бораётганидан яққол далолатдир. Бу эса иқтисодий ўсиш суръатларини оширади.
Биз иқтисодиётнинг барча тармоқларини рақамлаштиришда фаол иштирок этмоқдамиз. Бироқ асосий вазифалардан бири машҳур сайёҳлик йўналишларида тармоқни яхшилашдан иборатдир. Зеро, мамлакатимиз меҳмонлари Ўзбекистоннинг умумий ривожланиш даражасига рақамли хизматлар сифатига қараб баҳо беришади. Биз катта иштиёқ билан поездлар ва янги объектларни интернет билан таъминлаш лойиҳаси устида ишладик. У ерда яқинда ШҲТ саммити бўлиб ўтади. Биз учун бу нафақат компания хизматларининг юқори сифатини яна бир бор эълон қилиш, балки мамлакатга реал фойда келтириш учун имкониятдир, — дея воқеани шарҳлади VEON GROUP бош директори Каан Терзиоглу.Unitel МЧЖ 2006 йилнинг 12-сентябрдан бошлаб Beeline Uzbekistan савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия) шаҳрида жойлашган VEON халқаро телекоммуникация холдинги таркибига киради.
VEON 8 мамлакатда 220 миллиондан ортиқ обуначига эга глобал телекоммуникация ва интернет хизматларининг провайдери. Унинг акциялари NASDAQ ва Euronext Amsterdam фонд бозорларида жойлашган.
Beeline Uzbekistan’да 1 минг 600 нафарга яқин ходим ишлайди. VEON 2006 йили Ўзбекистон бозорига кириши билан мамлакат телекоммуникация соҳасига 1 миллиард 200 миллион АҚШ долларидан ортиқ сармоя киритди. Beeline СБънинг Ўзбекистондаги фаолияти давомида 1 миллиард 800 миллион доллардан ортиқ солиқ тўланган.
Сайт: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan
Реклама ҳуқуқи асосида.
Изоҳ (0)