Ukraina urushda katta muvaffaqiyatlarga erishdi, mamlakat G‘arb qurollari va jihozlarini eng kutilmagan tarzda qo‘llab, ilg‘or va qirg‘in qurol tizimlarini o‘z imkoniyatlariga moslashtirdi, deb yozmoqda The New York Times mutaxassislarga asoslanib.
Mutaxassislar va AQSH Mudofaa vazirligi vakillariga ko‘ra, Ukraina qo‘shinlari Amerika va boshqa davlatlar tomonidan yuborilgan qurollardan kutilmagan tarzda foydalangan.
Raketalarni yuk mashinalariga o‘rnatish orqali Ukraina kuchlari ularni otishma zonasiga tezroq olib kirmoqda. Raketa tizimlarini tezkor qayiqlarga joylashtirish orqali esa dengizdagi imkoniyatlarini oshirdi, deydi mutaxassislar.
“Ukrainaliklar MakGayver metaforasidan foydalanmoqda. Men 1980-yillardagi teleko‘rsatuv haqida gapiryapman, unda bosh qahramon qaltis vaziyatlardan chiqish uchun oddiy vaqtinchalik qurilmalardan foydalangan. Ukrainaliklarning muhandislik sohasidagi zukkoligi Rossiyaning oldinga siljishdagi sekin, shoshma-shoshar, doktrinal tabiatidan keskin farq qiladi”, — dedi AQSHning Yevropadagi sobiq armiyasi boshlig‘i Ben Xodjes.
Izoh (0)