28 август куни Тошкент–Лондон йўналишидаги HY-201 авиақатновида йўловчилар юклари ўз манзилига етказилмади. Бу ҳақда Uzbekistan Airways хабар қилди.
Қайд этилишича, бунга Airbus 320neo ҳаво кемасининг чекланган тижорат юкланиши сабаб бўлган. Бортга юкланмаган юкларнинг умумий сони 119 ўринни ташкил этади, бу эса 2210 кг миқдорида бўлганини англатади.
Айни пайтда HY-201 рейси йўловчиларининг юклари Ислом Каримов номидаги Тошкент халқаро аэропортида жойлашган бўлиб, 30 август куни HY-201 рейси билан Лондонга етказилади. Юк барча йўловчиларга етказиб бериш хизмати томонидан кўрсатилган манзилга бепул етказиб берилади.
«Қўшимча маълумот олиш учун HY-201 авиақатнови йўловчилари авиакомпаниянинг Лондондаги ваколатхонаси 02070342090 рақами ёки электрон манзиллари «Lon@uzairways.com» ва «London@uzairways.co.uk» манзили орқали мурожаат қилиш мумкин.
Келтирилган ноқулайликлар учун узр сўраймиз», — дейилади хабарда.
Изоҳ (0)