2022-yilning o‘tgan 7 oyi davomida olib borilgan modernizatsiya ishlari natijasida yuqori kuchlanishli 6 ta podstansiya quvvati qo‘shimcha 591 MVA (megavolt amper)ga oshirildi. Bu haqda Energetika vazirligi matbuot xizmati xabar berdi.
Qayd etilishicha, buning natijasida Surxondaryo, Samarqand va Jizzax viloyatlari hamda Toshkent shahridagi yuqori kuchlanishli podstansiyalarning quvvat o‘tkazish qobiliyati yaxshilandi.
Yil yakuniga qadar yana 5 ta podstansiyada (1025 MVA) quvvat oshiriladi. Natijada respublikadagi 7 ta viloyat hamda Toshkent shahridagi jami 11 ta podstansiyada 1 616 MVA quvvat oshirilishiga erishiladi.
Izoh (0)