Ташқи меҳнат миграцияси агентлигининг Жанубий Кореянинг Кванжу шаҳридаги ваколатхонаси вакиллари «DHMC Co.,Ltd.» кемасозлик ташкилоти вакиллари билан учрашув ўтказди, дея хабар бермоқда Дунё ахборот агентлиги.
Қайд этилишича, мулоқот чоғида Э-7 визаси асосида ўзбекистонлик ишчиларни ушбу ташкилотга ишга жалб қилиш истиқболлари бўйича фикр алмашилган.
Учрашув якунида Ташқи меҳнат миграцияси агентлигининг Корея Республикасидаги ваколатхонаси ҳамда «DHMC Co.,Ltd.» кемасозлик ташкилоти ўртасида ўзбекистонлик малакали мутахассисларни Э-7 визаси асосида ушбу ташкилотга меҳнат фаолиятига жалб қилиш бўйича ҳамкорлик ўрнатилган.
Келгусида мазкур ташкилотнинг ишлаб чиқариш ҳажмидан келиб чиққан ҳолда, хорижий ишчи кучига бўлган талаби ва ташкилий масалалар бўйича ҳамкорликда иш олиб боришга келишилган.
Ташкилот раҳбарияти ҳозирда ушбу заводда фаолият юритиб келаётган ўзбекистонлик меҳнат мигрантларининг кўникмаларини юқори баҳолаши алоҳида таъкидланган.
Изоҳ (0)