Ijtimoiy tarmoqlarda Range Rover mashinasi old qismiga qo‘shimcha jihoz o‘rnatilgani aks etgan video tarqalgandi. Namangan viloyati yo‘l harakati xavfsizligi boshqarmasi axborot xizmati holat yuzasidan munosabat bildirdi.
Qayd etilishicha, davlat raqam belgisi 50 S 888 QA bo‘lgan transport vositasining videotasviri bo‘yicha Namangan viloyati IIB JXX YHXB xodimlari tomonidan surishtiruv ishlari olib borilib, avtomashina egasining shaxsi aniqlandi.
Transport vositasiga noqonuniy tarzda qo‘shimcha jihoz o‘rnatgan haydovchiga nisbatan ma’muriy bayonnoma rasmiylashtirilib, avtomashina jarima maydoniga joylashtirildi.
O‘z navbatida, haydovchi ishidan pushaymon ekanini bildirib, boshqalarni ham qoidalarga amal qilishga chaqirdi.
Mavzuga doir: Namanganda transport vositalari harakatiga xalaqit bergan to‘y korteji avtomobillari jarima maydoniga joylashtirildi
Izoh (0)