London va Kiyev transport sohasida hamkorlik bitimini tuzdi. Kelishuv harbiy harakatlar oqibatida vayron bo‘lgan obyektlarni qayta tiklashni nazarda tutadi, deb yozmoqda “RBK” Ukraina Infratuzilma vazirligiga tayanib.
“Buyuk Britaniya Ukraina bilan tarixiy shartnoma imzoladi, unga muvofiq qirollik muhandislik tajribasini almashish va shikastlangan infratuzilmani tiklash uchun yangi yordam paketini taqdim etish majburiyatini zimmasiga oladi”, — deyiladi xabarda.
Tomonlar birgalikdagi harakatlar rejasini kelishib olgan, unga ko‘ra London:
- Britaniyaning nufuzli xususiy tashkilotlaridan ekspertiza yuboradi;
- Britaniyaning Go Ahead Group jamoat transporti kompaniyasidan beshta avtobus yuboradi;
- g‘alla eksportining muhim yo‘nalishlarini tiklash uchun uskunalar sotib oladi;
- aeroportlar va portlar infratuzilmasini rekonstruksiya qilish rejasini taklif qiladi;
- aviatsiya xodimlarini tayyorlashga yordam beradi;
- “Ukrzaliznitsa” temir yo‘l tashuvchisiga 10 million funt sterling miqdorida yordam paketini taqdim etadi, bu ko‘priklarni ta’mirlash va tunnellarni tartibga solish uskunalarini, shuningdek, donni tashish uchun 120 dan ortiq konteynerlar sotib olish imkonini beradi.
Bitim Britaniya bosh vaziri Boris Jonsonning maxsus operatsiya boshlanganidan beri Kiyevga uchinchi tashrifidan so‘ng ko‘p o‘tmay imzolandi, Jonson tez orada o‘z lavozimini tark etadi. Siyosatchi Ukraina poytaxtiga mamlakat Mustaqilligi kuni, 24-avgustda kelgan.
Safardan maqsad Ukrainaga Buyuk Britaniyaning “barqaror va uzoq muddatli qo‘llab-quvvatlovni” bildirish, shuningdek, 54 million funt sterling miqdoridagi yangi harbiy yordam paketini e’lon qilish edi.
“UNIAN” xabar berishicha, Ukraina prezidenti Vladimir Zelenskiy tashrifi chog‘ida Jonsonni “Ozodlik” ordeni bilan taqdirlangan.
Izoh (0)