AQSH prezidenti ma’muriyati yaqin haftalar ichida o‘zining Ukrainaga yordam bo‘yicha missiyasiga nom bermoqchi, shuningdek, uning rahbari sifatida bir generalni tayinlamoqchi. Bu haqda The Wall Street Journal amerikalik mansabdorlarga tayanib xabar berdi, deb yozadi “RBK”. U mamlakat hukumatining Kiyevga yordam ko‘rsatish va harbiylarni o‘qitish bo‘yicha sa’y-harakatlariga rahbarlik qiladi.
Missiyaga nom berilishi AQSHning harbiy nuqtai nazardan sa’y-harakatlarining rasmiy tan olinishi bo‘ladi, deb yozadi, xuddi shu tarzda Pentagon o‘zining Iroq va Afg‘onistondagi operatsiyalariga ham nom bergandi (“Iroq ozodligi, “Mustahkam ozodlik” va boshqalar).
Ko‘mak va tayyorlash bo‘yicha missiyaga nom berish qarori byurokratik jihatdan katta ahamiyatga ega, chunki bu odatda uzoq muddatli maqsadli moliyalashtirish va ushbu operatsiyada ishtirok etayotgan harbiy xizmatchilar uchun maxsus to‘lovlar, mukofotlar tayinlash imkoniyatini keltirib chiqaradi. Nashr qayd etishicha, ikki yoki uch yulduzli (general-mayor va general-leytenant tushunchalariga teng) bo‘lishi kutilayotgan generalning tayinlanishi koordinatsiya uchun mas’ul jamoa yaratilishini, shuningdek, asosan ma’lum nuqtaga qaratilgan sa’y-harakatlardan Ukrainaga ko‘p yillar davomida ta’lim va ko‘mak taqdim etishga o‘tishni aks ettiradi.
25-avgust, chorshanba kuni AQSH prezidenti Jo Bayden Ukrainaga 2,98 milliard dollarlik eng yirik harbiy yordam paketi taqdim etilishini e’lon qildi, unga qurol-yarog‘ va aslahalar kiradi. Bayden aniqlik kirtiishicha, ushbu transh Kiyevga havo hujumiga qarshi mudofaa tizimlari, artilleriya, u uchun o‘q-dorilar, raketaga qarshi uchuvchisiz havo tizimlari va radarlar sotib olish imkonini beradi.
Izoh (0)