Лондон ва Киев транспорт соҳасида ҳамкорлик битимини тузди. Келишув ҳарбий ҳаракатлар оқибатида вайрон бўлган объектларни қайта тиклашни назарда тутади, деб ёзмоқда «РБК» Украина Инфратузилма вазирлигига таяниб.
«Буюк Британия Украина билан тарихий шартнома имзолади, унга мувофиқ қироллик муҳандислик тажрибасини алмашиш ва шикастланган инфратузилмани тиклаш учун янги ёрдам пакетини тақдим этиш мажбуриятини зиммасига олади», — дейилади хабарда.
Томонлар биргаликдаги ҳаракатлар режасини келишиб олган, унга кўра Лондон:
- Британиянинг нуфузли хусусий ташкилотларидан экспертиза юборади;
- Британиянинг Го Аҳеад Group жамоат транспорти компаниясидан бешта автобус юборади;
- ғалла экспортининг муҳим йўналишларини тиклаш учун ускуналар сотиб олади;
- аэропортлар ва портлар инфратузилмасини реконструкция қилиш режасини таклиф қилади;
- авиация ходимларини тайёрлашга ёрдам беради;
- «Укрзализница» темир йўл ташувчисига 10 миллион фунт стерлинг миқдорида ёрдам пакетини тақдим этади, бу кўприкларни таъмирлаш ва туннелларни тартибга солиш ускуналарини, шунингдек, донни ташиш учун 120 дан ортиқ контейнерлар сотиб олиш имконини беради.
Битим Британия бош вазири Борис Жонсоннинг махсус операция бошланганидан бери Киевга учинчи ташрифидан сўнг кўп ўтмай имзоланди, Жонсон тез орада ўз лавозимини тарк этади. Сиёсатчи Украина пойтахтига мамлакат Мустақиллиги куни, 24 августда келган.
Сафардан мақсад Украинага Буюк Британиянинг «барқарор ва узоқ муддатли қўллаб-қувватловни» билдириш, шунингдек, 54 миллион фунт стерлинг миқдоридаги янги ҳарбий ёрдам пакетини эълон қилиш эди.
«UNIAN» хабар беришича, Украина президенти Владимир Зеленский ташрифи чоғида Жонсонни «Озодлик» ордени билан тақдирланган.
Изоҳ (0)