Qarshi shahridagi ko‘p qavatli turar joy binolari atrofini obodonlashtirishdagi talon-torojliklar fosh etildi.
Bosh prokuratura huzuridagi departamentning Qarshi shahar bo‘limi tomonidan tergovga qadar tekshiruv o‘tkazilgan.
Unda, “A.B.” MCHJ tomonidan Qarshi shahar Obodonlashtirish boshqarmasi bilan tuzilgan pudrat shartnomasiga asosan “Navo” MFY hududidagi ko‘p qavatli turar-joy binolari atrofini obodonlashtirishda qurilish-ta’mirlash ishlari bo‘yicha hujjatlarga amalda bajarilmagan ishlarni qo‘shib yozish orqali 573,2 million so‘m o‘zlashtirish yoki rastrata qilish yo‘li bilan talon-toroj qilingani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)