Қарши шаҳридаги кўп қаватли турар жой бинолари атрофини ободонлаштиришдаги талон-торожликлар фош этилди.
Бош прокуратура ҳузуридаги департаментнинг Қарши шаҳар бўлими томонидан терговга қадар текширув ўтказилган.
Унда, «А.Б.» МЧЖ томонидан Қарши шаҳар Ободонлаштириш бошқармаси билан тузилган пудрат шартномасига асосан «Наво» МФЙ ҳудудидаги кўп қаватли турар-жой бинолари атрофини ободонлаштиришда қурилиш-таъмирлаш ишлари бўйича ҳужжатларга амалда бажарилмаган ишларни қўшиб ёзиш орқали 573,2 миллион сўм ўзлаштириш ёки растрата қилиш йўли билан талон-торож қилингани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Изоҳ (0)