Toshkentda 3 ta saunasi bor, 8 xonali hovlining auksioni bo‘lib o‘tadi

Toshkent shahar, Yakkasaroy tumani, Beshchinor ko‘chasidagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan. 

Lot izohida yozilishicha, hovlida 3 ta sauna mavjud va u qisman jihozlari bilan sotiladi. 2017-yilda qurilgan ushbu 2 qavatli uy 8 ta xonadan iborat.

Yer uchastkasining umumiy maydoni — 0,06 gektar. Binoning maydoni — 383 kvadrat metr. Hovlida gaz, suv, elektr ta’minoti va kanalizatsiya tizimi mavjud.

Auksionga qo‘yilgan hovlining boshlang‘ich bahosi — 6,3 mlrd so‘m. Arizalar 22-sentabr 09:00 ga qadar qabul qilinadi. Savdolar xuddi shu kuni 10:00 da boshlanadi.

Avvalroq auksionga qo‘yilgan eng arzon va eng qimmat avtomobillar ro‘yxati haqida xabar berilgandi.