Toshkent shahar, Mirzo Ulug‘bek tumani, Hamid Olimjon maydonidagi savdo do‘koni va omborxonaning bir qismi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Yer uchastkasining umumiy maydoni — 0,01 gektar. Binoning maydoni — 590 kvadrat metr, qurilish osti maydoni esa 190 kvadrat metrga teng.
Lot auksionga Davlat aktivlarini boshqarish agentligi tomonidan joylashtirilgan.
Savdoda suv, elektr ta’minoti va kanalizatsiya tizimi mavjud. Gaz ta’minoti esa yo‘q.
Auksionga qo‘yilgan do‘kon va omborxonaning boshlang‘ich bahosi — 8,1 mlrd so‘m. Arizalar 23-sentabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi avtomobil ustaxonasi auksionda 4,2 mlrd so‘mga sotilgani haqida xabar berilgandi.
Izoh (0)