Rossiya bir qancha Osiyo mamlakatlari bilan uzoq muddatli neft shartnomalarini katta chegirmalar bilan muhokama qilmoqda. Bu haqda Bloomberg xabar berdi.
Ma’lumotlarga ko‘ra, Rossiya dastlabki muzokaralarni olib bormoqda, hozircha 30 foizgacha chegirma taklif qilinmoqda.
G7 yetakchilarining iyun oyi oxiridagi sammitida Rossiya neftiga maksimal narxlarni joriy etish tashabbusi muhokama qilingandi.
Shu tariqa, G7 mamlakatlari Rossiyaning neft sotishdan tushgan daromadini kamaytirmoqchi. Bloomberg’ning yozishicha, AQSH va uning ittifoqchilari xomashyo uchun 40-60 dollargacha narx chegarasi qo‘yishni muhokama qilgan.
Shu bilan birga, neft yetkazib berishni taqiqlash Vashington, Ottava va London tomonidan joriy etilgan, Yevropa Ittifoqi davlatlari Rossiyaga qarshi joriy etgan sanksiyalar doirasida energiya tashuvchisidan bosqichma-bosqich voz kechishni rejalashtirmoqda.
Avvalroq OPEK+ Eron nefti sabab xomashyo qazib olishni qisqartirishi mumkinligi haqida xabar berilgandi.
Izoh (0)