Самарқанд вилоятининг Ургут туманидаги деҳқон бозорида жойлашган, телефон дўконига ўғри тушди. «Дарё»га шу ўғирлик видеоси келиб тушди.
Маълум бўлишича, ўғирлик 2022 йилнинг 18 август куни тонгги 03:19 да содир бўлган.
Видеода кўринишича, савдо дўконига икки нафар бола ўғирликка тушган.
Дўконга биринчи бўлиб кириб келган, кийими билан юзини ўраб олган бола телефонлар жойлашган растадан бир нечта телефонни танлаб олади. Бироздан сўнг ичкарига кирган иккинчи бола эса шеригига нимадир дейди. Ва видео якунида болалар савдо дўконини тарк этгани кўринади.
Мазкур видеони таҳририятга юборган ўқувчининг айтишича, ўғирлик қилган болалар ҳалигача топилмаган.
Изоҳ (0)