O‘zbekistonda jami kreditlarning qariyb 34,4 foizi imtiyozli kreditlar hisoblanadi. Bu haqda tadbirkorlar bilan o‘tkazilgan muloqotda Markaziy bank raisi o‘rinbosari Behzod Hamroyev ma’lum qildi, deya xabar bermoqda “Daryo” muxbiri.
Behzod Hamroyevning ta’kidlashicha, iqtisodiyotda imtiyozli kreditlar miqdori yuqori.
“Umumiy kreditlarimizning qariyb 34,4 foizi imtiyozli kreditlar. Buning ichida ma’lum kreditlar foizini qoplab berish uchun, xizmatlar sohasiga, oilaviy tadbirkorlikka berilganlari ham bor. Bu banklarga foiz jihatdan og‘irlik keltirib chiqarishi mumkin”, – dedi tashkilot raymiysi.
Behzod Hamroyevning qo‘shimcha qilishicha, respublikada muammoli kreditlar ulushi ham anchagina.
Pandemiya davrida, 2020–2021-yillarda O‘zbekistonning barcha banklari tomonidan tadbirkorlarni qo‘llab-quvvatlash uchun 80 trillion so‘mlik kerditlar muddati uzaytirib berildi. To‘g‘ri, bu tadbirkorlarga katta yordam bo‘ldi, ularning oyoqqa turib, biznesini qayta tiklab olishiga ko‘maklashdi. Lekin masalaning ikkinchi tarafi ham bor, ya’ni u kredit qaytganda yangi odamlarga berilardi. O‘sha muddatni uzatirib berilgan 80 trillion so‘mlik kreditlarning qariyb 10 foizi muammoli kreditga aylangan.Ma’lum qilinishicha, 2022-yilning o‘tgan 7 oyida eksportni qo‘llab-quvvatlash uchun 30 trillion so‘m kredit ajratildi. Shundan 11 trilion so‘mi aylanma mablag‘ uchun bo‘lsa, qolgani investitsiya loyihalarni moliyalashtirishga yo‘naltirilgan.Behzod Hamroyev, Markaziy bank raisi o‘rinbosari
Avvalroq Behzod Hamroyev 2021-yilda O‘zbekistonda jami ajratilgan kreditlar hajmi 16 milliard dollardan oshganini ma’lum qilgandi. Shuningdek, 2022-yilning o‘tgan 7 oyida respublikada aholi va tadbirkorlarga 101 trillion so‘mlik kreditlar berilgan.
Izoh (0)