O‘zbekistonda ikkinchi oliy ta’limga qabul bo‘yicha rad etilgan arizalarni tahrirlash uchun imkoniyat berildi

Ikkinchi oliy ta’limga qabul bo‘yicha rad etilgan arizalarni tahrirlash uchun ham so‘nggi imkoniyat berildi, deb xabar bermoqda Oliy va o‘rta maxsus ta’lim vazirligi.

Qayd etilishicha, 2022/2023-o‘quv yili uchun davlat oliy ta’lim muassasalariga ikkinchi oliy ta’limga qabul bo‘yicha vazirlikning “ikkinchitalim.edu.uz” elektron tizimi orqali onlayn ro‘yxatdan o‘tgan fuqarolarning arizalari ko‘rib chiqilgan. Ammo ayrim arizalar ma’lum bir sabablarga ko‘ra rad etilgan.

Rad etilgan arizalarni tahrirlash uchun 23-avgust kuni soat 18:00 ga qadar so‘nggi imkoniyat beriladi.

Ushbu muddatdan so‘ng tahrirlashga yo‘l qo‘yilmaydi va kamchiliklar bartaraf etilmagan arizalar ko‘rib chiqilmaydi.

Ro‘yxatdan o‘tgan barcha talabalardan o‘zlarining shaxsiy kabinetlariga kirib, arizalarining ko‘rib chiqilish holatini doimiy kuzatib borishlari so‘raladi.