Sankt-Peterburgda O‘zbekiston Interpoli tomonidan firibgarlik jinoyati uchun qidiruvda bo‘lgan firibgar qo‘lga olindi. Bu haqda Interpolning O‘zbekistondagi Milliy markaziy byurosi xabar berdi.
Ma’lum qilinishicha, 2021-yilning yozida jinoyatchi Telegram’da guruh tuzib, uning ishtirokchilarini ikki baravar daromad olishga qiziqtirib, firibgarlik yo‘li bilan ularni plastik kartaga pul o‘tkazishga ko‘ndirgan. So‘ng va’dasini bajarmasdan, o‘zgalarning pullarini o‘zlashtirib olib, qochib ketgan.
2022-yilning iyulida u Interpolning O‘zbekistondagi Milliy markaziy byurosi tomonidan Jinoyat kodeksining 168-moddasi, 3-qismida ko‘rsatilgan jinoyatni sodir etganlikda ayblanib, xalqaro qidiruvga berilgan.
Axborot ta’minoti va tezkor-qidiruv tadbirlari natijasida firibgarning yashiringan joyi aniqlanib, tez orada Sankt-Peterburg shahrida qo‘lga olingan.
Qayd etilishicha, hozirda u munosib jazoga tortilishi uchun sudga topshirish maqsadida O‘zbekistonga ekstraditsiya qilinishi kutilmoqda.
Mavzuga doir:
- O‘zbekiston IIV Interpol MMB xodimlari xalqaro qidiruvda bo‘lgan Turkiya fuqarosini ekstraditsiya qildi
- O‘ta yirik hajmdagi o‘g‘rilik sodir etgani uchun qidiruvda bo‘lgan o‘zbekistonlik erkak AQSHdan ekstraditsiya qilindi
- Interpolning O‘zbekistondagi byurosi qirg‘izistonlik yirik firibgarni qo‘lga oldi
- Polsha zo‘rlaganlikda ayblanayotgan erkakni O‘zbekistonga ekstraditsiya qildi
- O‘zbekistonda firibgarlik sodir etgani uchun xalqaro qidiruvda bo‘lgan shaxs Polshadan ekstraditsiya qilindi
Izoh (0)