Ўзбекистонда жами кредитларнинг қарийб 34,4 фоизи имтиёзли кредитлар ҳисобланади. Бу ҳақда тадбиркорлар билан ўтказилган мулоқотда Марказий банк раиси ўринбосари Беҳзод Ҳамроев маълум қилди, дея хабар бермоқда «Дарё» мухбири.
Беҳзод Ҳамроевнинг таъкидлашича, иқтисодиётда имтиёзли кредитлар миқдори юқори.
«Умумий кредитларимизнинг қарийб 34,4 фоизи имтиёзли кредитлар. Бунинг ичида маълум кредитлар фоизини қоплаб бериш учун, хизматлар соҳасига, оилавий тадбиркорликка берилганлари ҳам бор. Бу банкларга фоиз жиҳатдан оғирлик келтириб чиқариши мумкин», – деди ташкилот раймийси.
Беҳзод Ҳамроевнинг қўшимча қилишича, республикада муаммоли кредитлар улуши ҳам анчагина.
Пандемия даврида, 2020–2021 йилларда Ўзбекистоннинг барча банклари томонидан тадбиркорларни қўллаб-қувватлаш учун 80 триллион сўмлик кердитлар муддати узайтириб берилди. Тўғри, бу тадбиркорларга катта ёрдам бўлди, уларнинг оёққа туриб, бизнесини қайта тиклаб олишига кўмаклашди. Лекин масаланинг иккинчи тарафи ҳам бор, яъни у кредит қайтганда янги одамларга бериларди. Ўша муддатни узатириб берилган 80 триллион сўмлик кредитларнинг қарийб 10 фоизи муаммоли кредитга айланган.Маълум қилинишича, 2022 йилнинг ўтган 7 ойида экспортни қўллаб-қувватлаш учун 30 триллион сўм кредит ажратилди. Шундан 11 трилион сўми айланма маблағ учун бўлса, қолгани инвестиция лойиҳаларни молиялаштиришга йўналтирилган.Беҳзод Ҳамроев, Марказий банк раиси ўринбосари
Аввалроқ Беҳзод Ҳамроев 2021 йилда Ўзбекистонда жами ажратилган кредитлар ҳажми 16 миллиард доллардан ошганини маълум қилганди. Шунингдек, 2022 йилнинг ўтган 7 ойида республикада аҳоли ва тадбиркорларга 101 триллион сўмлик кредитлар берилган.
Изоҳ (0)