UzAuto Trailer устав капиталидаги 100 фоиз давлат улуши рақобатга асосланган сотув жараёни орқали сотилиши эълон қилинди. Бу ҳақда Давлат активларини бошқариш агентлиги хабар берди.
Компания ҳақида маълумот
Корхонанинг лойиҳавий қуввати 3 минг донагача: 2 минг дона ярим тиркама ва минг дона осма техника, самосвал кузови, ярим тиркамалар, контейнер ташувчилар, тентли кузовлар, изотермик ярим тиркамалар ва фургонлар ишлаб чиқариш ўзлаштирилган.
Ўз маҳсулотларини нафақат Ўзбекистоннинг ички бозорида, балки қўшни давлатлар: Қозоғистон, Озарбайжон, Афғонистон, Туркманистон ва Қирғизистонда ҳам сотишни мақсад қилган. Ходимлар сони 420 кишини ташкил қилади.
Ишлаб чиқарадиган маҳсулотлари:
- кузовлар: самосвал,изотермик,тентли ва тўлиқ металл;
- ярим тиркама ва тиркамалар: самосвал, изотермик, тентли;
- контейнер ташувчилар ва бошқа махсус техника;
- қишлоқ хўжалик техникаси (трактор тиркамалари, преслаш машиналари, ҳаракатланувчи ёқилғи қуйиш шохобчалари бекатлари).
Ишлаб чиқариш бўйича корхона Самарқанд вилоятида жойлашган. Устав фонди — 158,6 млрд сўм. 2021 йил бўйича фойдаси 626,2 млрд сўм, соф фойдаси 53 млрд сўм.
Қизиқиш билдириши тўғрисидаги ариза 2022 йил 21 сентябрь 18:00 га қадар қабул қилинади.
Аввалроқ Uzbekistan Airways’ни хусусийлаштириш жараёни бошлангани ҳақида хабар берилган эди.
Изоҳ (0)