Тошкент шаҳар, Чилонзор туманидаги автомобилларга техник хизмат кўрсатиш мажмуаси кимошди савдосида сотилди. Лот маълумотлари «E-auksion» порталида эълон қилинган.
Лот аукционга фуқаролик ишлари бўйича суд ҳукми билан Чилонзор тумани МИБ томонидан жойлаштирилган эди.
Ер участкасининг умумий майдони — 0,3 гектар. Бинонинг майдони — 942 квадрат метр.
1990 йилда қурилган ушбу бинода сув, электр таъминоти ва канализация тизими бор. Газ таъминоти мавжуд эмас.
Лот изоҳида ёзилишича, ер участкасининг умумий майдони 3 022 квадрат метр, 2 376 квадрат метри ижарага берилган майдондир.
Аукционга қўйилган бинонинг бошланғич баҳоси — 3,1 млрд сўм эди. Савдолар 15 август соат 10:00 да ўтказилди ва бино 4,2 млрд сўмга сотилди.
Изоҳ (0)