“Davlat idorasidagi har bir xodim tadbirkorga ko‘makchi bo‘lmasa, u o‘z lavozimida ko‘p o‘tirmaydi” — prezidentning tadbirkorlar bilan ochiq muloqoti boshlandi

Prezident Shavkat Mirziyoyevniing tadbirkorlar bilan ochiq muloqoti boshlandi, deb xabar bermoqda “Daryo” muxbiri.

Prezidentning so‘zlariga ko‘ra, tadbirkorlik sohasida yildan-yilga ko‘plab o‘zgarish bo‘lyapti.

“Og‘ir, qiyin bo‘lsa-da o‘zgarish bo‘lyapti. Viloyatlarga tashrif buyursam tadbirkorlar bilan muloqot qilaman. Ularning muammolarini eshitaman. Xorijiy tashriflarimda ham tadbirkorlar bilan muloqot qilaman, ulardagi sharoitlar bilan tanishaman” — deydi davlat rahbari.

Shavkat Mirziyoyevning aytishicha, tadbirkorlar tomonidan 12 mingdan ko‘p murojaatlar kelib tushgan.

“1 hafta davomida sizlar mas’ullar bilan uchrashyapsizlar. Davlat idorasidagi har bir xodim tadbirkorga ko‘makchi bo‘lmasa, u o‘z lavozimida ko‘p o‘tirmaydi”, — deya qo‘shimcha qildi prezident.