«Давлат идорасидаги ҳар бир ходим тадбиркорга кўмакчи бўлмаса, у ўз лавозимида кўп ўтирмайди» — президентнинг тадбиркорлар билан очиқ мулоқоти бошланди

Президент Шавкат Мирзиёевниинг тадбиркорлар билан очиқ мулоқоти бошланди, деб хабар бермоқда «Дарё» мухбири.

Президентнинг сўзларига кўра, тадбиркорлик соҳасида йилдан йилга кўплаб ўзгариш бўляпти.

«Оғир, қийин бўлса-да ўзгариш бўляпти. Вилоятларга ташриф буюрсам тадбиркорлар билан мулоқот қиламан. Уларнинг муаммоларини эшитаман. Хорижий ташрифларимда ҳам тадбиркорлар билан мулоқот қиламан, улардаги шароитлар билан танишаман» — дейди давлат раҳбари.

Шавкат Мирзиёевнинг айтишича, тадбиркорлар томонидан 12 мингдан кўп мурожаатлар келиб тушган.

«1 ҳафта давомида сизлар масъуллар билан учрашяпсизлар. Давлат идорасидаги ҳар бир ходим тадбиркорга кўмакчи бўлмаса, у ўз лавозимида кўп ўтирмайди», — дея қўшимча қилди президент.