Avstriya prezidenti Aleksandr van der Bellen Tirol o‘lkasida tog‘ga sayohat chog‘ida miyasi yengil chayqalib lat yedi, deb yozadi “RBK” uning Twitter sahifasiga tayanib.
Davlat rahbari Kaunergrat tabiat bog‘ida poxodga chiqdi va toyib ketib yiqildi. Miya chayqalishidan tashqari, van der Bellenning bir nechta joyi shilindi. Maxsus topshiriqli bo‘linma xodimlari uni eng yaqindagi kasalxonaga yetkazdi va u yerda bir kechaga qoldirdi.
Baxtsiz hodisa tufayli Avstriya prezidenti 22—23-avgust kunlari Alpbax Yevropa forumi doirasidagi uchrashuvlarni bekor qildi.
Aleksandr van der Bellen 78 yoshda. U 2016-yilda Yashillar partiyasi ko‘magida mustaqil nomzod sifatida saylovda qatnashib g‘olib bo‘ldi va 2017-yil yanvarida lavozimiga kirishdi.
Shu yilning 22-mayida Avstriya prezidenti keyingi saylovga ham nomzodini qo‘yishini ma’lum qildi. Saylov kuzda bo‘lib o‘tadi.
Izoh (0)