Австрия президенти Александр ван дер Беллен Тироль ўлкасида тоққа саёҳат чоғида мияси енгил чайқалиб лат еди, деб ёзади «РБК» унинг Twitter саҳифасига таяниб.
Давлат раҳбари Каунерграт табиат боғида походга чиқди ва тойиб кетиб йиқилди. Мия чайқалишидан ташқари, ван дер Белленнинг бир нечта жойи шилинди. Махсус топшириқли бўлинма ходимлари уни энг яқиндаги касалхонага етказди ва у ерда бир кечага қолдирди.
Бахтсиз ҳодиса туфайли Австрия президенти 22—23 август кунлари Альпбах Европа форуми доирасидаги учрашувларни бекор қилди.
Александр ван дер Беллен 78 ёшда. У 2016 йилда Яшиллар партияси кўмагида мустақил номзод сифатида сайловда қатнашиб ғолиб бўлди ва 2017 йил январида лавозимига киришди.
Шу йилнинг 22 майида Австрия президенти кейинги сайловга ҳам номзодини қўйишини маълум қилди. Сайлов кузда бўлиб ўтади.
Изоҳ (0)