Ukraina tashqi ishlar vaziri Dmitriy Kulebaning aytishicha, Germaniyaning Rossiya energiya resurslariga bo‘lgan ehtiyoji giyohvandlikni eslatadi. Uning fikriga ko‘ra, rus gazi oxir-oqibat “o‘ldiradi”. Bu haqda “Kommersant” xabar bermoqda.
Ba’zi nemis siyosatchilarining “Shimoliy oqim 2”ni bir muddat boshqarib, keyinroq to‘xtatishga chaqirishi mutlaqo mantiqsizdir. Inson har bir “oxirgi marta”ning halokatli oqibatlarini sezmay turib “Yana bir bor!” desa, bu giyohvandlikka o‘xshaydi. Rossiya gaziga qaramlik o‘ldiradi!”Bu haqda Dmitriy Kuleba o‘z Twitter’ida ma’lum qildi.
Muxolifatdagi Germaniya erkin demokratik partiyasi (FDP) raisi o‘rinbosari, Bundestag vitse-prezidenti Volfgang Kubitski “Shimoliy oqim 2” loyihasini ishga tushirish tarafdori. Uning so‘zlariga ko‘ra, quvurni ochmaslik uchun “uzrli sabab yo‘q”.
Germaniya Moskvaning o‘zini o‘zi e’lon qilgan Donetsk va Lugansk xalq respublikalari mustaqilligini tan olish qaroridan so‘ng Rossiyaning “Shimoliy oqim 2” gaz quvuri sertifikatini muzlatib qo‘ydi.
Izoh (0)