Украина ташқи ишлар вазири Дмитрий Кулебанинг айтишича, Германиянинг Россия энергия ресурсларига бўлган эҳтиёжи гиёҳвандликни эслатади. Унинг фикрига кўра, рус гази охир-оқибат «ўлдиради». Бу ҳақда «Коммерсантъ» хабар бермоқда.
Баъзи немис сиёсатчиларининг «Шимолий оқим 2»ни бир муддат бошқариб, кейинроқ тўхтатишга чақириши мутлақо мантиқсиздир. Инсон ҳар бир «охирги марта»нинг ҳалокатли оқибатларини сезмай туриб «Яна бир бор!» деса, бу гиёҳвандликка ўхшайди. Россия газига қарамлик ўлдиради!»Бу ҳақда Дмитрий Кулеба ўз Twitter’ида маълум қилди.
Мухолифатдаги Германия эркин демократик партияси (ФДП) раиси ўринбосари, Бундестаг вице-президенти Вольфганг Кубицки «Шимолий оқим 2» лойиҳасини ишга тушириш тарафдори. Унинг сўзларига кўра, қувурни очмаслик учун «узрли сабаб йўқ».
Германия Москванинг ўзини ўзи эълон қилган Донецк ва Луганск халқ республикалари мустақиллигини тан олиш қароридан сўнг Россиянинг «Шимолий оқим 2» газ қувури сертификатини музлатиб қўйди.
Изоҳ (0)