Xitoy hukumati yirik o‘rmon yong‘inlari va hosil tahdidlari fonida 2022-yil bo‘yicha qurg‘oqchilik haqida birinchi milliy ogohlantirishni e’lon qildi. Bu haqda “Interfaks” xabar bermoqda.
18-avgust kuni Xitoyda ob-havo xavfining “sariq” darajasi joriy etildi, “sariq daraja” maksimal xavfdan ikki daraja past ko‘rsatkichdir.
Bir necha hafta davomida janubi-g‘arbiy Sichuandan Shanxaygacha bo‘lgan daryo deltasida Osiyoning eng uzun daryosi Yanszi oqimi bo‘ylab g‘ayritabiiy issiqlik kuzatilmoqda.
Yanszi daryosining o‘ng qirg‘og‘ida joylashgan Tszyansi provinsiyasidagi Poyang ko‘li yilning shu faslidagi odatdagi hajmining chorak qismi, shuningdek, Chunsin munitsipalitetining 34 okrugidagi 66 ga yaqin daryo qurib qolgan.
15-avgust kuni Yanszi uchun asosiy kuzatuv nuqtasi bo‘lgan Vuxanda mutaxassislar daryoning sathi 17,54 metr atrofida, ya’ni o‘tgan yillardagi o‘rtacha ko‘rsatkichdan olti metrga past ekanligini qayd etdi.
Mutaxassislarning fikricha, bu hodisaga daryo vodiysida yog‘ingarchilikning oz bo‘lishi, uning yuqori qismiga suvning oz miqdorda kirib kelishi va yuqori harorat suvning bug‘lanishini tezlashtirgani sabab bo‘lgan.
Ma’lum bo‘lishicha, Yanszi Xitoy hududidan oqib o‘tadi, bu yerda mamlakat aholisining uchdan bir qismi yashaydi.
Xitoy janubida iyul oyidan beri yuqori harorat kuzatilmoqda. Shu bilan birgalikda, ko‘plab Yevropa davlatlari, jumladan, Britaniya, Fransiya, Germaniya va Ispaniyada ham g‘ayritabiiy issiqlik va qurg‘oqchilik xavfli oqibatlarni yuzaga keltirmoqda.
Izoh (0)