Rossiyada o‘tgan bir kun ichida 40 010 kishi koronavirusni yuqtirib oldi, deb yozadi “Kommersant” COVID-19 ga qarshi kurash bo‘yicha tezkor shtabga tayanib. Bu bir kun avvalgi raqamdan 6,3 foizga ko‘proq hamda 14-martdan buyon esa maksimal ko‘rsatkichdir.
Eng ko‘p kasallanish holatlari Moskva (8259 kishi), Sankt-Peterburg (4399) va Moskva viloyatida (3093) qayd etildi.
Bir kunda kasallanganlarning 69 nafari vafot etdi, bu bir kun avvalgi ko‘rsatkichdan to‘rttaga ko‘p.
Avgust oyida “Rospotrebnadzor” fuqarolarning zaif qatlamiga niqob taqishni tavsiya qilgandi, shuningdek, kasallanish darajasi har 100 ming aholiga 50 ta holatdan oshadigan hududlarda niqob rejimini qaytadan joriy qilishni maslahat berdi. Bunday choralar Tataristonda, Dog‘istonda, Tog‘li Oltoyda, Krasnoyarsk o‘lkasida, Vologda va Novosibirsk viloyatlarida qabul qilindi. Shifokorlar COVID-19 bilan kasallanish darajasi o‘tgan qishdagi ko‘rsatkichlargacha oshishini kutmoqda.
Mavzuga doir: Rossiyada COVID-cheklovlarning barchasi bekor qilindi
Izoh (0)